သားတို့သမီးတို့မှာဘာအပြစ်ရှိလို့လဲ
ဟောဒီလူ့လောကကြီးထဲက လူသားတွေထဲမှာအဖြူ အစင်ဆုံးနဲ့ အပြစ်အကင်းဆုံး လူသားဆိုတာ သားတို့သမီးတို့လို ကလေးလေးတွေပါ၊ ဘာမှနားမလည်သလို ဘယ်အပူအပင်တွေမှ မတွေးတတ် မရှိသေးသလို ဘာတာဝန်မှလည်း မရှိတဲ့ အလွန်နုနယ်လွန်းတဲ့ ပန်းကလေးတွေလိုပါ
ပြောပရစေနော်
သားတို့သမီးတို့တွေ လောကကြီးထဲကို ကိုယ့်သဘောနဲ့ကိုယ်လာတာမဟုတ်ပါဘူး မိဘဆိုတဲ့ မေတ္တာကြီးမားဆုံး လူသားနှစ်ယောက်က ပေါင်းစပ်ပြီး လူ့လောကကြီးထဲကို ခေါ်လာတာပါ၊ သားတို့သမီးတို့မှာ ဘာမှစွမ်းဆောင်ရည်မရှိလောက်အောင် အင်အားနည်းလှပါတယ်၊ သားတို့သမီးတို့ ကလေမိဘတွေလို သွေးနဲ့ကိုယ်သားနဲ့ကို တည်ဆောက်ထားတာပါ။
ပြောပရစေနော်
သားတို့သမီးတို့ကို စေတနာမေတ္တာရှိမှ လူ့လောကကြီးထဲခေါ်ပါ ကျေးဇူးရှင်နှစ်ပါး ကာမဂုဏ်အရသာခံရုံလောက်နဲ့ စေတနာမပါခဲ့ရင် လူ့လောကကြီး သား/သမီးတို့ ရောက်လာမှာ မလိုချင် မေတ္တာမပေးနိုင်ရင် အစထဲက လာလို့မရအောင်တားထားပါနော်၊ အပျော်လွန် ကာမကျူးပြီး သား/သမီးတို့ကို အမေ့ဗိုက်ထဲ ရောက်လာတော့မှ သတ်ပြစ်တာ လူ့လောကထဲ ရောက်လာတော့မှ စွန့်ပြစ်တာမျိူးတွေက ကျေးဇူးကြီးပါတယ်ဆိုတဲ့ မိဘနှစ်ပါးလို အသွေးအသားနဲ့တည်ဆောက်ထားတဲ့ သား/သမီးတို့အပေါ် လူမဆန်သလို ရက်စက်လွန်းရာကျပါတယ်။ လူသားဆိုတဲ့အသိနဲ့ ကိုယ်ချင်းစာကြည့်ပါနော်
ပြောပရစေနော်
မိဘတွေရဲ့မိဘတွေတုန်းက မိဘတွေကို သား/သမီးတို့လို လုပ်ခဲ့ရင်ဆိုပြီး တွေးကြည့်ပေးပါနော်၊ အခုတော့လေ သာ/သမီးတို့လို ကလေးတွေ ဆေးရုံပေါ်မှာ လမ်းပေါ်မှာအမှိုက်ပုံဘေးမှာ မိဘမဲ့အဖြစ်တွေနဲ့ များလာနေသလို တောင်းစားခိုးစားနဲ့ အကျင့်ပျက်အငတ်ဘေး ကြုံနေရတဲ့ကလေးတွေ များလာနေပြီ ဒီလိုဖြစ်ရတာ သားတို့သမီးတို့မှာ ဘာအပြစ်တွေရှိလို့လဲ မိဘက မကျွေးမွေးချင်မထိန်းသိမ်းခြင် စွန့်ပြစ်ချင်လောက်အောင် ဘာအပြစ်တွေရှိလို့လဲ ဘာအပြစ်တွေလုပ်ခဲ့မိလို့လဲ
ပြောပြစေနော်
ပန်းကလေးလို နူညံ့အပြစ်ကင်း ဖြူစင်တဲ့ သားတို့သမီးတို့လေ မိဘရင်ခွင်ဆိုတာကို အမက်မောအတမ်းတဆုံးပါ အမေ့နို့ရည်ချိူချိူကို အနှစ်သက်ဆုံးနဲ့ သား/သမီးတို့အတွက် အသက်ဆက်စရာအားဆေးတခုပါ အမေနို့ချိူ တိုက်ဖို့စေတနာမပါရင်တောင် မစွန့်ပစ်လိုက်ပါနဲ့ အမေနဲ့အဖေက သား/သမီးတို့ဘဝအတွက် မရှိမဖြစ်လိုအပ်တဲ့ ဘဝလှေကားတွေမို့ပါ သား/သမီးတို့ကို စွန့်ပစ်လိုက်ရင် ဘယ်သူက စောင့်ရှောက်ကျွေးမွေးကြမှာလဲ ဘဝပင်လယ်ကြီးထဲ မျက်စိသူငယ် နားသူငယ်နဲ့ စုန်ဆန်မျောရမယ့် အဖြစ်အတွက် နည်းနည်းလောက် တွေးကြည့်ပေးပါနော်။
ပြောပရစေနော်
သားတို့သမီးတို့ဘဝကလေ မိဘတင်မက ကိုယ့်ထက်ကြီးတဲ့ သူမှန်သမျှ ပြုသမျှ ခံဘဝတွေပါ၊ သား/သမီးတို့ကို မကျွေးလည်း ငတ်ရုံ စွန်ပစ်လဲခံရုံ ငိုရုံကလွဲလို့ ဘာမှမတတ်သာတဲ့ ဘဝတွေပါ၊ ဒီကြားထဲ နိုင်ငံထဲက စစ်ဘေးစစ်ဒဏ်တွေကြုံရ သတ်ဖြတ်ကြတဲ့အခါ မပြေးတတ်မပုန်းတတ်တဲ့ သား/သမီးတို့တွေပဲ သေကြရတာလေ ကမ္ဘာမီးလောင် သားကောင်ချ နင်းတဲ့ အဲဒီစကားက သား/သမီးတို့ကို မိဘတွေအတွက် စတေးစေတာသိပါတယ်၊ အခုလေ ကမ္ဘာမြေကြီးရဲ့နေရာအနှံ့အပြားမှာ သား/သမီးတို့လို ကလေးတွေ လူကြီးတွေရဲ့ ကိုယ်ချင်းစာ ညှာတာမှုမရှိပဲ ရက်စက်နေကြလို့ အများကြီးသေကုန်ပြီလေ သူ့တို့မှာရော ဘာအပြစ်တွေရှိလို့လဲ ဘာအပြစ်တွေလုပ်လို့လဲ
ပြောပရစေနော်
လောကထဲကိုခေါ်လို့ ရောက်လာတဲ့ သား/သမီးတို့တွေက မျက်စိသူငယ် နားသူငယ်နဲ့ ဘာမှမသိလို့ မရက်စက်ကြပါနဲ့ ပွင့်လာမယ့် ပန်းကလေးတွေ အချိန်မတန်ခင်ညိုးနွမ်း သေကြေပျက်စီးအောင် မလုပ်ကြပါနဲ့။ အဖြူ စင်ဆုံး အပြစ်ကင်းဆုံးလေးတွေမို့ ရင်ထဲမှာ ကြောက်စိတ်အားငယ်စိတ် နားကြည်းစိတ်တွေကို အမာရွတ်တခုလို စွဲကျန်အောင် လုပ်မပေးကြပါနဲ့ ဘာမှမစွမ်းဆောင်နိုင်တဲ့ ဘဝတွေမို့ မရက်စက်ကြပါနဲ့၊ စစ်ဘေးစစ်ဒဏ်လည်း မပြေးတတ်မပုန်းတတ်လို့ သား/သမီးတို့အသက်နဲ့ဘဝအတွက်ငဲ့ညှာစဉ်းစားပေးကြပါ။ သား/သမီးတို့ကို သနားကြပါ ကြင်နာကြပါ စောင့်ရှောက်ပေးကြပါ။ လမ်းမှန်ပြပေးပြီး အနာဂတ်ကိုလှပစေကြပါ၊ အေးချမ်းတဲ့ တိုင်းပြည်ကြီးအဖြစ်နဲ့ မိဘရင်ခွင်မှာ ငြိမ်းချမ်းစွာ ခိုလှုံခွင့်ပြုကြပါ။ သားသမီးချင်းကိုယ်ချင်းစာပေးကြပါ။ ကလေးသဘာဝအတိုင်း ပြုမူနေထိုင်ခွင့်ပြုကြပါ ရှင်သန်ခွင့်ပေးကြပါ မျှော်လင့်ချက် ရောင်ခြည်တွေပေးကြပါ။ မိဘတွေရဲ့အပြုံးနဲ့ ကြင်နာနွေးထွေးမှုကို ပေးကြပါ သား/သမီးတို့ကို တန်ဖိုးထားပေးကြပါ။ သား/သမီးတို့ကို ပွင့်သော်ပန်းတိုင်း လန်းစေသလို တိုးတက် လူလားမြောက်ခွင့် ပေးကြပါ။
ပြောပရစေနော်
ဒီလူ့လောကကြီးထဲမှာလေ ဘယ်လိုပြဿနာမီးတွေ လောင်နေပါစေ ဘယ်လိုရက်စက်ယုတ်မာမှုတွေ ရှိလာနေပါစေ ဘယ်လောက်ဆင်းရဲမွဲတေ ကျပ်တည်းမှုတွေ ဖြစ်နေပါစေ သား/သမီးတို့နဲ့ ဘာမှမဆိုင်လို့ သား/သမီးတို့အပေါ်ကို မပုံချ မရက်စက်ကြပါနဲ့ အဲဒီလိုများပြုခဲ့ကြရင်လေ သား/သမီးတို့မှာ ပြောစရာတခုပဲရှိပါတယ်။ သားတို့သမီးတို့မှာ ဘာအပြစ်ရှိလို့လဲ လို့ ဒီတခုလေးပဲ ပြောပရစေနော်။
မိုက်ကယ်ဦးချစ်
မြူ နှင်း(အေးရိပ်ငြိမ်)
Inga kommentarer:
Skicka en kommentar