ဘာသာရေးစစ်ပွဲများ
( ဘီဘီစီ စာမျက်နှာတွင် ဖော်ပြထားသော ဆောင်းပါးဖြစ်ပါသည်။ )
ဘုရားသခင်ကို စစ်ပွဲလှူံ့ဆော်ရေးအစီအစဉ်ထဲကို ထည့်သွင်းရုံမျှဖြင့် မြင့်မြတ်သော စစ်ပွဲဖြစ်လာသည် မဟုတ်။ စစ်ပွဲဖြစ်လာစေရန် နှိုးဆော်သောတွန်းအားသည် ဘာသာရေးဖြစ်မှသာ မြင့်မြတ်သော စစ်ပွဲဖြစ်နိုင်သည်။
ယခုခေတ်တွင် ဘာသာရေးစစ်ပွဲများအပေါ် အမြင်သည် ဆန့်ကျင်ဘက်ဖြစ်နေနိုင်သည်။ လူထောင်ပေါင်းများစွာကို သတ်ဖြတ်၍ နယ်ပယ်တစ်ခုလုံးဖျက်ဆီးခြင်းသည် မြင့်မြတ်ခြင်းနှင့် ဝေးကွာလှမ်းလှသည်ဟု ထင်မြင်စရာကောင်းနေဧ။်
သို့သော် ဘာသာရေးနှင့် စစ်ပွဲဟူသည်မှာ လက်ချင်းတွဲခဲ့ကြသည်မှာ ကြာမြင့်လှပေပြီ။ စစ်တပ်များသည် ဘုရားသခင်က ၎င်းတို့နှင့်အတူရှိနေသည်ဟူသောယုံကြည်ချက်ဖြင့် ဆုတောင်းပဋာပြုပြီးနောက် စွန့်လွှတ်စွန့်စားတိုက်ပွဲဝင်ကြသည်။ ကျမ်းစာအလိုရ လူမျိုးစုတိုက်ပွဲများတွင် ရှူံးနိမ့်သူက အောင်နိုင်သူဧ။် နတ်ဘုရားများကို ပြောင်းလဲကိုးကွယ်ရတတ်သည်။
သို့ရာတွင် ဘုရားသခင်ကို စစ်ပွဲလှူံ့ဆော်ရေးအစီအစဉ်ထဲကို ထည့်သွင်းရုံမျှဖြင့် မြင့်မြတ်သောစစ်ပွဲဖြစ်လာသည်မဟုတ်။ စစ်ပွဲဖြစ်လာစေရန် နှိုးဆော်သောတွန်းအားသည် ဘာသာရေးဖြစ်မှသာ မြင့်မြတ်သောစစ်ပွဲဖြစ်နိုင်သည်။
မြင့်မြတ်သောစစ်ပွဲများတွင် အချက်သုံးချက်ပါဝင်သည်။
(၁) ဘာသာရေးရည်မှန်းချက်အောင်မြင်စေရန်
(၂) ဘာသာရေးခေါင်းဆောင်မှ ခွင့်ပြုချက်ပေးရန်
(၃) ပါဝင်ဆင်နွှဲသူများသည် စိတ်ဓါတ်ပိုင်းအရ ဆုချခံရသကဲ့သို့ ထင်မြင်စေရန်
ဘာသာရေးခေါင်းစဉ်တပ်လျက် ဆင်နွှဲသောစစ်ပွဲအများစုသည် သာမာန်စစ်ပွဲများကဲ့သို့ပင်ဖြစ်သော်လည်း အားလုံးတော့ မဟုတ်ပေ။
(၁) ဘာသာရေးအကြောင်းရင်းများ
===================
ဖရန်စစ်ဘာကွန်က မြင့်မြတ်သောစစ်ပွဲဖြစ်ရခြင်း အကြောင်း ၅ ချက်ကို တင်ပြသည်။ ( ခရစ်ယာန်ဘာသာဝင်အနေဖြင့် ရေးသားထားခြင်းဖြစ်သော်လည်း အချက်အလက်များသည် မည်သည့်ဘာသာအတွက်မဆို အကျုံးဝင်သည်။ )
(က) ယုံကြည်ကိုးကွယ်မှုကို ပျံ့နှံ့စေရန်
(ခ) ခရစ်ယာန်ဘာသာဝင် တစ်ဦးမှ မကျန်တော့သော်လည်း ယခင်ခရစ်ယာန်နယ်မြေများကို ပြန်လည်သိမ်းပိုက်ရန်။
(ဂ) တစ်ချိန်က ခရစ်ယာန်နယ်များရှိ ခရစ်ယာန်ဘာသာဝင်များကို ကယ်တင်ရန် ( တစ်နည်း ဘာသာခြားများဧ။် ကျေးကျွန်ဖြစ်ခြင်းမှ ကာကွယ်ရန်။)
(ဃ) လက်ရှိ ညစ်ငြမ်းလျက် မသန့်စင်သောဒေသများအား ပြန်လည်သိမ်းပိုက်၍ သန့်ရှင်းစင်ကြယ်သောဒေသများဖြစ်လာစေရန်
(င) ခရစ်ယာန်များအသတ်ခံရခြင်း၊ ရက်စက်ခံရခြင်း၊ မကောင်းမှုများအတွက် ကလဲ့စားချေရန် ( လွန်ခဲ့သောနှစ်ပေါင်းများစွာက ဖြစ်ခဲ့သည့်တိုင်အောင် )
ပထမဆုံးအကြောင်းသည်သာ ယေဘူယျလက်ခံထားသောအကြောင်းများနှင့် မကိုက်ညီပေ။ အခြားအကြောင်းများသည် အချိန်ကာလရွေ့လျောမှုကြောင့် အကြောင်းမဟုတ်တော့ပဲလည်းဖြစ်နေနိုင်သည်။
(၂) တရားဝင်အာဏာပိုင်သူ
================
မြင့်မြတ်သောစစ်ပွဲအတွက် တရားဝင်အာဏာပိုင်သည် အစိုးရမဟုတ်ပေ။ ဘုရားကျောင်းများ သို့မဟုတ် သက်ဆိုင်ရာအဖွဲ့အစည်း သို့မဟုတ် ဘာသာရေးအသင်းကို ဦးဆောင်သူများဖြစ်တတ်သည်။
ရှေးယခင်က အာဏာပိုင်သည် နတ်ဘုရားဖြစ်သည်။ ကျမ်းစာထဲတွင် မကြာခဏဆိုသလို ဘုရားသခင်သည် လူများကို စစ်ပွဲဆင်နွှဲရန် တိုက်ရိုက်အမိန့်ပေးစေခိုင်းတတ်သည်။ ယနေ့ခေတ်တွင်တော့ မဟုတ်ပေ။
(၃) တစ်ဦးချင်းစီဧ။် စိတ်ပိုင်းဆိုင်ရာဆုလာဒ်
========================
ပါဝင်ဆင်နွှဲသူများဧ။် စိတ်ပိုင်းဆိုင်ရာဆုလာဒ်အဖြစ် ခံစားရခြင်းသည်လည်း မြင့်မြတ်သောစစ်ပွဲဧ။် တတိယအချက်ဖြစ်သည်။ စစ်တိုက်ရုံမျှဖြင့် စစ်သားများသည် ဆုရသည်ဟု မထင်ပေ။ ဆိုးဆိုးရွားရွား ဒေ၀ဒတ်သင်ကြားမှုမျိုးကို ဆန့်ကျင်ခြင်းမှသာလျှင် ကိုယ့်ကိုယ်ကိုဆုရသည်ဟု ထင်နိုင်သည်။
ဘာသာရေးစစ်ပွဲသမိုင်း
=============
ပထမဆုံးသောမြင့်မြတ်စစ်ပွဲကို အောက်တိုဘာလ ၃၁၂ စီအီးတွင် ရိုမာန်အင်ပါယာဘုရင် ကွန်စတန်တင်းက ကောင်းကင်ယံ၌ လက်ဝါးကပ်တိုင်ကို အောင်နိုင်ရေးနမိတ်အဖြစ် မြင်ရသောကြောင့် ဆင်နွှဲခဲ့သည်။
ကွန်စတန်တင်းသည် ထိုနမိတ်ကို ယုံကြည်သဖြင့် သူ့စစ်သားများဧ။် ချပ်ဝတ်တန်ဆာများတွင် လက်ဝါးကပ်တိုင်တံဆိပ်နှိပ်ခတ်ခဲ့သည်။ သူ့ထက်အင်အားများသော ပိုလီသီးရစ်ကိုးကွယ်သူများကို အောင်နိုင်ခဲ့သည်။ ( သမိုင်းဆရာများက ခရစ်ယာန်အကျိုးစီးပွားများအတွက် အချိုးအကွေ့တစ်ခုဟု သတ်မှတ်ခဲ့သည်။ )
ခရူးဆိတ်စစ်ပွဲများ
==========
အနောက်တိုင်းဧ။် မြင့်မြတ်သောစစ်ပွဲပေါင်းများစွာကို ခရူးဆိတ်စစ်ပွဲများဟု ခေါ်သည်။ ၁၀၉၅ မှ ၁၂၉၁ စီအီးအထိဆင်နွှဲခဲ့ကြသည်။ ရည်ရွယ်ချက်မှာ မူဆလင်များနေထိုင်နေသော မြင့်မြတ်သည့်နယ်မြေများကို ပြန်လည်သိမ်းပိုက်လျက် အမှားကို အမှန်ပြင်နိုင်ရန် ခရစ်ယာန်ဘာသာအတွက် စစ်ပွဲဆင်နွှဲခြင်းဖြစ်သည်။
ပထမခရူးဆိတ်စစ်ပွဲကို ပုပ်ရဟန်းမင်းကြီး အာဘန်က ၁၀၉၅ တွင်ဆင်နွှဲခဲ့သည်။ မြင့်မြတ်သောနယ်မြေများကို သိမ်းပိုက်ထားပြီး ခရစ်ယာန်ဘာသာဝင်များကို နှိပ်စက်မှုများ အတွက် ဒေါသထွက်သောကြောင့် ခရစ်ယာန်ဘာသာအတွက် စစ်တိုက်ရန်အမိန့်ပေးခဲ့သည်။ ဘုရားသခင်က စစ်ပွဲကိုကောင်းချီးပေးသည်ဟု ပြောခဲ့သည်။
( သင်ဟာ ဘုရားသခင်အလိုတော်ရှိတဲ့အတိုင်း စစ်ပွဲငိုကြွေးသံဖြစ်ပါစေ။ ရန်သူကို လက်နက်ဖြင့်တိုက်ခိုက်သောအခါ ဘုရားသခင်ရဲ့ အလိုတော်အတိုင်း ငိုကြွေးပါစေ။ ဒါဟာ ဘုရားသခင်ရဲ့ အလိုတော်ဖြစ်ပါတယ်။
ဘုရားသခင်ကို ဦးညွှတ်လျက် ဒီမြင့်မြတ်သောခရီးရှည်ကြီးကို လိုက်ပါရန်ဆုံးဖြတ်သော မည်သူ့ကိုမဆို သက်ရှိထင်ရှားစွန့်လွှတ်စွန့်စားသူ၊ မြင့်မြတ်သူ၊ ဘုရားသခင်လက်ခံတော်မူသောသူအဖြစ် သတ်မှတ်သည်။ ထိုသူဧ။် နဖူး သို့မဟုတ် ရင်ဘတ်ပေါ်တွင် ဘုရားသခင်ဧ။် အမှတ်အသားဖြစ်သော လက်ဝါးကပ်တိုင်ကို တပ်ဆင်ခွင့်ရှိသည်။)
ပုပ်ရဟန်းမင်းကြီးသည် ခရူးဆိတ်စစ်ပွဲတွင် ပါဝင်တိုက်ခိုက်သူအားလုံးကို အပြစ်ဒဏ်များမှလည်း လွတ်ငြိမ်းခွင့်ပြုသည်။
ပထမခရူးဆိတ်စစ်ပွဲကို ခါးသီးစွာတိုက်ခိုက်ပြီးနောက် ဂျေရုဆလင်ကို သိမ်းပိုက်မိသည်။ မြို့တော်တွင်းနေထိုင်သူများမှာ ခရစ်ယာန်ကျုးကျော်သူများဧ။် ရက်စက်စွာသတ်ဖြတ်ခြင်းကို ခံရသည်။
ကျုးကျော်သူများသည် ခေတ်မီစစ်ပွဲစည်းမျဉ်း၊ စည်းကမ်းများကို ချိုးဖောက်ခဲ့ကြသည်။ ရှူံးနိမ့်သူကို လိုအပ်သည်ထက် ပိုချေမှုန်းခဲ့ခြင်းများသည် ယနေ့တိုင်အောင် အစ္စလာမ်နိုင်ငံရေးကို အရောင်ဆိုးလျက်ရှိပေသည်။
မြူ နှင်း(အေးရိပ်ငြိမ်)
Inga kommentarer:
Skicka en kommentar