မြိတ်-တနင်္သာရီ-ကော့သောင်း ကတ္တရာလမ်းခင်းနေပြီ

ရန်ကုန် သြဂုတ် ၂၁

မြိတ်မြို့မှ တနင်္သာရီဘက်အထွက် လမ်းပြုပြင်မှုများ မပြတ်တွေ့ရသည်။တချို့နေရာများက ကတ္တရာလမ်းတစ်ပိုင်းတစ်စ၊ အချို့နေရာများက ကတ္တရာသားမရှိ၊ မြေနီလမ်းသဖွယ်ကျောက်ခဲများပေါ်နေသည်။ မြိတ်-တနင်္သာရီကော့သောင်းကားလမ်းကို အပိုင်းလိုက်ခွဲကာ ကတ္တရာလမ်းခင်းသည့်လုပ်ငန်းဆောင်ရွက်နေပြီ ဖြစ်သည်။

'' တနင်္သာရီတိုင်းဒေသကြီးအတွင်းမှာ လမ်းပန်းဆက်သွယ်ရေးကောင်းမွန်ဖို့ ကျွန်တော်တို့ ကြိုးစားနေတယ်။ မြိတ်-တနင်္သာရီ-ကော့သောင်းကားလမ်းကိုကတ္တရာလမ်းခင်းနိုင်ဖို့ ပြည်ထောင်စုဘတ်ဂျက်အပါအဝင် တိုင်းဒေသကြီးဘတ်ဂျက်ပါ တင်ပြတောင်းခံထားပြီး ကြိုးစားဆောင်ရွက်နေပါတယ်။ လိုအပ်တဲ့ဘတ်ဂျက်ကိုလည်း တင်ပြထားတယ်။ ကတ္တရာခင်းတာကိုလည်း လမ်းပိုင်းအလိုက် သတ်မှတ်ဆောင်ရွက်နေပါတယ်''ဟု တနင်္သာရီတိုင်းဒေသကြီးလမ်းပန်းဆက်သွယ်ရေးဝန်ကြီး ဒေါက်တာကျော်ဆန်းက ပြောသည်။

မြိတ်-တနင်္သာရီ-ကော့သောင်းလမ်းသည် စုစုပေါင်းအရှည် ၂၆၈ မိုင်ရှိသော်လည်း အချို့လမ်းပိုင်းများမှာ ကတ္တရာခင်းလမ်းအဖြစ်တည်ရှိနေသဖြင့် အရှည် ၂၂၉ မိုင်ကို ကတ္တရာခင်းလုပ်ငန်းများအား၂ဝ၁၄-၂ဝ၁၅ ဘဏ္ဍာရေးနှစ်အတွင်း ဆောင်ရွက်နေခြင်းဖြစ်သည်။ လမ်းပိုင်းအချို့တွင်ကျောက်ခဲများခင်းနေမှု၊ ကတ္တရာခင်းရန်လမ်းကြိတ်စက်ဖြင့်လမ်းခင်းနေမှုများကို တွေ့ရသည်။

"မြိတ်-တနင်္သာရီလမ်းပိုင်းကအရှည်မိုင် ၅ဝ နဲ့ ငါးဖာလုံရှိတယ်။အဲဒီလမ်းပိုင်းမှာ အခုအချိန်အထိကတ္တရာ အပြည့်ခင်းပြီးတာ ၃၆မိုင် ငါးဖာလုံရှိနေပါပြီ။ ကျန်တဲ့အပိုင်းကို ဆက်ပြီးခင်းနေတယ်။

၂ဝ၁၄-၂ဝ၁၅ ဘဏ္ဍာရေးနှစ်ကာလအတွင်းမှာ ကတ္တရာအပြီးခင်းနိုင်ရေးဆောင်ရွက်နေတယ်" ဟု လမ်းပန်းဆက်သွယ်ရေး ဝန်ကြီးဒေါက်တာကျော်ဆန်းက ပြောသည်။တနင်္သာရီ တိုင်းဒေသကြီးကမြန်မာနိုင်ငံတောင်ပိုင်းကျကျတွင်တည်ရှိသဖြင့် ယခင်က လမ်းပန်းဆက်သွယ်ရေးခက်ခဲခဲ့သော်လည်းယခုအခါ လမ်းပန်းဆက်သွယ်ရေးကောင်းမွန်ရန် တိုင်းဒေသကြီးအစိုးရက ကြိုးစားဆောင်ရွက်နေသည်။ ဒေသခံများကလည်း ခရီးသွားလာရေးနှင့် ကုန်စည်စီးဆင်းနိုင်ရေးတို့အတွက် လမ်းပန်းဆက်သွယ်ရေး ကောင်းမွန်ရန်လိုလား

နေကြသည်။

မြိတ်-တနင်္သာရီ-ဘုတ်ပြင်း-ကော့သောင်းလမ်းကို ကတ္တရာခင်းလုပ်ငန်းဆောင်ရွက်ရာတွင် BOT စနစ်ဖြင့် တိုင်းရင်းသားလုပ်ငန်ှးင်များကို လမ်းပိုင်းအချို့လုပ်ကိုင်ခွင့်ပေးထားသည်။ ယင်းလမ်းသည်အရှည်စုစုပေါင်း ၁၄၇ မိုင် နှစ်ဖာလုံရှိသည်။ လက်ရှိအခြေအနေတွင်ကတ္တရာခင်းနေသည့်လမ်းပိုင်းရှိသလို ကတ္တရာမခင်းရသေးသည့်လမ်းပိုင်းများလည်းရှိနေသည်။

မြိတ်-တနင်္သာရီ-ကော့သောင်းလမ်းတွင် ကတ္တရာလမ်းခင်းခြင်း၊လမ်းတံတားများ တည်ဆောက်ခြင်း၊ လမ်းခုံး ၁၅ ခုကို ဖြေချခြင်းစသည့် လမ်းလုပ်ငန်းများကိုလည်းတစ်ပြိုင်နက်တည်း ဆောင်ရွက်နေရာ မြိတ်မြို့မှ ကော့သောင်းအထိကတ္တရာခင်းလမ်းအဖြစ် မကြာမီကာလအတွင်း ပေါ်ထွက်လာတော့မည်ဖြစ်သည်။

(မြန်မာ့အလင်း)

ထိုသတင်းကို ဟုတ်မဟုတ်သေချာစုံစမ်းလိုက်တော့ ဘုတ်ပြင်းကော့သောင်းဘဲ့လောလောဆယ်ခင်းနေပြီ ဘုတ်ပြင်း တနင်္သာရီကတော့ မသိရသေးကြောင်းပါ ။

မြူ နှင်း(အေးရိပ်ငြိမ်)