ငရဲခွေးများ လွတ်ထားသည်
မိန်းကလေးတယောက် အဓမ္မပြုကျင့်ခံရလို့ အမှုဖွင့်တယ်ဆိုတဲ့ တဆင့်သတင်းကနေ အခုလို အကြမ်းဖက်မှုဖြစ်ခဲ့တာမို့ ဒီအဖြစ် တကယ်ဖြစ်ခဲ့သလားဆိုတာကို လက်ဖက်ရည်ဆိုင်ရှိတဲ့ မန္တလေး အမှတ် ၈ ရဲစခန်းကို မေးကြည့်တဲ့အခါ၊ တာဝန်မှူးက ဗွီအိုအေကို ခုလို ဖြေခဲ့ပါတယ်။“ အဲ့ဒါတော့ ကျနော်တို့ စခန်းမှာ ဖွင့်တာတော့ မဟုတ်ဘူး၊ အဲ့ဒါ သူတို့ ပျဉ်းမနားလို့ သူတို့ အင်တာနက်ထဲမှာတော့ ကြားရတာပေါ့။ သိရတာပေါ့လေ။ ဖော်ပြထားတာတော့ ပျဉ်းမနားမှာ ဖွင့်တဲ့ဟာပေါ့။ ”
မေး။ ။ အဲတော့ အမှုဖွင့်တယ်ဆိုတော့ တကယ်ဖွင့်ထားတဲ့ အမှုလားရှင့်။
ဖြေ။ ။ အဲ့ဒါ ပျဉ်းမနားကို မေးကြည့်မှသိမယ်။
ပျဉ်းမနားကလို့ပဲ ကျနော်တို့ သိရတယ်။ အင်တာနက်ထဲကနေ Facebook ဆိုတာတော့ တော်တော်ကျယ်ကျယ်ပြန့်ပြန့်တော့ သိနေတယ်လို့ တင်ထားတာတွေ့တာပဲ။ တကယ်ဖွင့်မဖွင့်ဆိုတာကိုတော့ ပျဉ်းမနားကိုပဲ မေးကြည့်မှပဲ သိပါလိမ့်မယ်။ ကျနော်တို့စခန်းက မဟုတ်တဲ့အတွက် အဲကိစ္စကို မသိပါဘူး။
အထက်ပါ အမေးအဖြေကတော့ ဗီအိုအေ သတင်းဌါန web site မှာ ဖော်ပြထားတဲ့ အကြောင်းအရာတွေပါ၊ သေသေချချာ ပြန်လည် လေ့လာကြည့်မယ်ဆိုရင် မန္တလေးမှာ ရှိတဲ့ ရဲအရာရှိတွေတောင် သေသေချာချာ မသိသေးတဲ့ သတင်းတစ်ပုဒ်ဟာ သစ်ထူးလွင်လို၊ Facebook မှာ လူမျိုးရေး မုန်းတီးရေး အဓိကလှုံ့ဆော်နေတဲ့ သူတွေဆီကို ဘယ်သူက သတင်းပေးထားလို့  ဖော်ပြနိုင်ရတာလဲ၊ နောက်ပြီး လူတွေ တော်တော်များများ ကျယ်ကျယ်ပြန့် ပြန့်  သိနေတယ်ဆိုတာကို အဆိုပါ ရဲအရာရှိ ပြောစကားက ၄င်းတို့ ကိုယ်တိုင် သိရှိနေသော်လည်း ဒီသတင်းနဲ့ ပတ်သက်ပြီး ကောလဟလ သတင်းလား၊ အမှန်တကယ် ဖြစ်ပျက်ခဲ့တဲ့ သတင်းလားဆိုတာကို ထိထိရောက်ရောက် အများပြည်သူကို ချပြ အသိပေးဖို့ ပျက်ကွက်ခဲ့ပါတယ်၊ အကယ်၍သာ ဒီလို ပြဿနာတွေ မဖြစ်ပွားခင်ကတည်းက အင်တာနက်ပေါ်မှာ ကျယ်ကျယ်ပြန့် ပြန့် လှုံ့ ဆော်မှုတွေ ရှိနေတာကို တာဝန်ရှိသူများအနေဖြင့် မဖြေရှင်းဘဲ လွတ်ထားတာဟာ ပြဿနာ ပေါ်ပေါက်စေဖို့ တမင် ရည်ရွယ်ချက်ရှိရှိ လုပ်ဆောင်ခဲ့တယ် လို့  ယူဆရဖွယ် ရှိနေပါတယ်။ ဒါကိုလည်း ဆက်လက်ဖြစ်ပွားခဲ့တဲ့ ဆူပူအကြမ်းဖက်မှုများကို ထိထိရောက်ရောက် အရေးမယူဘဲ လွတ်ထားပေးခြင်းက သက်သေဖြစ်လို့ နေပြန်ပါတယ်၊ အကြမ်းဖက် ဆူပူသူများရဲ့  ဆိုင်ကယ်များနောက်မှာ ရဲကားများ ကပ်လျက်လိုက်ပါ နေတာကို မျက်မြင်အမြောက်အများရှိနေပါသော်လည်း၊ ၄င်းတို့ကို ညလုံးပေါက် မည်သို့မျှ တစ်စုံတရာ အရေးမယူဘဲ၊ လိုက်ပါ စောင့်ရှောက်ပေးထားသလိုပင် ဖြစ်နေပါသေးတယ်။
အစပထမရက်က ရဲတပ်ဖွဲ့ ဝင်များ ဆင်ခြေပေးခဲ့သလို အများပြည်သူများ ထိခိုက်မိမှာ စိုးလို့  ဆင်ခြေကလည်း ဒုတိယနေ့မှာ ညဥ့်နက်သန်းကောင် ရိုးသားသော၊ လိုက်လံကြည့်ရှုနေသူရှိဖို့ ဝေးစွ၊ ၄င်းတို့၏ မင်းမဲ့စရိုက်ဆန်ဆန် တွေ့ရာ ရိုက်နက်ဖျက်စီးမှုများကို ကြောက်လန့် ပြီး အားလုံးတိတ်ဆိတ်ရှင်းလင်းနေတဲ့ လမ်းမများပေါ်မှာ ဆူပူသောင်းကြမ်းသူများနှင့် ၄င်းတို့ နောက်မှ လှည့်လည် လိုက်ပါလျှက် ရှိသော ရဲကားများသာလျှင် ရှိနေပါသော်လည်း မည်သည့် အကြောင်းပြချက်ဖြင့် ဖမ်းဆီးအရေးယူခြင်း မလုပ်နိုင်သလဲ ဆိုတာကတော့ မသိရသေးပါဘူး၊ ဘယ်လိုဘဲဖြစ်နေပါစေ ကြိုတင်တားစီးလျှင် အချိန်မှီနိုင်သော ဖြစ်ရပ်တစ်ခုကို အချိန်ဆွဲထားခြင်းအားဖြင့် မန္တလေးမြို့ရဲ့ ညပိုင်း စီးပွားရေး လုပ်ငန်းများ ပုဒ်မ ၁၄၄ ကြောင့် ရပ်ဆိုင်းသွားခဲ့ရပါပြီ။ အခြေအနေ အကြောင်းအမျိုးမျိုးကြောင့် ပိတ်ထားသော ဆိုင်များကြောင့် သဌေး၊ သူကြွယ်များ အတွက် မည်သို့ မျှမဖြစ်သော်လည်း တနေ့ လုပ်၊ တစ်နေ့စား ဘ၀သမားများအတွက်တော့ လူမျိုး ဘာသာမခွဲခြားဘဲ အခက်တွေ့ စေပါပြီ၊ မြန်မာပြည်တွင် ဖြစ်ပျက်သမျှ ဘာသာရေး ပဋိပက္ခများ ဟာလည်း မုဒိမ်းမှု အဆင့်ကနေ မတက်နိုင်ဘဲ၊ ပုံပြင်ဟောင်းထဲမှာသာ တ၀ဲလည်လည် ဖြစ်နေရပါပြီ၊ မရိုးသားသော၊ အကြံအစီရှိသောလူတစ်သိုက်၏ လုပ်ရပ်ကြောင့် အများပြည်သူများ၊ သွားလာမှု၊ လုပ်ကိုင်မှု အစစ၊ အရာရာအခက်အခဲ တွေ့ ရပြီဖြစ်သည်၊ အမှန်တကယ် ပြန်လည်သုံးသပ်ကြည့်ရင် ယခုထုတ်ခဲ့သော ပုဒ်မ(၁၄၄)သည် လူအများစု ကိုးကွယ်သော ဘာသာတစ်ခုနှင့် တစ်ခြား ဘာသာတစ်ခုတို့ ရဲ့  ပဋိပက္ခကြောင့်မဟုတ်ဘဲ၊ လူတစ်စု သောင်းကြမ်းမှုကို တစ်မြို့ လုံးရှိ လူသိန်းပေါင်းများစွာ ခါးစည်းခံလိုက်ရပါပြီ။
လက်ရှိဖြစ်ပျက်နေတဲ့ ဘာသာရေး ပဋိပက္ခတွေနဲ့ ပတ်သက်ပြီး မြန်မာသမ္မတကြီးအနေဖြင့်လည်း လစဉ်မိန့် ခွန်းထဲမှာ ဓါတ်ပြားဟောင်း ပြန်ဖွင့်ပြတာကလွှဲပြီး ဘာမှ ထူးထူးခြားခြား ရှိလာစရာ အကြောင်း မရှိပါဘူး၊ ထိရောက်တဲ့၊ အရေးယူမှုတွေ၊ တာဝန်ခံမှုတွေ၊ မလုပ်ဘဲနဲတော့ နောက်တစ်ကြိမ် ဒီလိုမိန့် ခွန်း အကြိမ်တစ်ထောင် မက ပြောလည်း ဘာမှ ထူးခြားလာစရာလည်း အကြောင်းမရှိပါဘူး၊ ပြည်သူ၊ပြည်သားတွေအနေနဲ့လည်း ဒါနိုင်ငံရေး လှည့်ကွက်ပါ ဆိုတာမျိုးအပြောလောက်နဲ့ မိမိတို့ရဲ့ အနာဂတ် ဒီမိုကရေစီ ခရီးကို မထိခိုက်ဖို့ လုံလောက်တဲ့တားဆီးမှုတော့ မဟုတ်တော့ပါဘူး၊ ကျွန်တော်တို့ သွားချင်နေတဲ့လမ်းကို ပျောက်အောင်၊ ကျွန်တော်သွားချင်နေတဲ့ ခရီးကို ရပ်တန့် အောင် လှည့်ဖျားနေတဲ့ မသမာသူ လူတစ်စုရဲ့  လုပ်ရပ်ကို ထိထိရောက်ရောက် အရေးယူနိုင်အောင်၊ ၀ိုင်းဝန်း တိုက်တွန်းတောင်းဆိုဖို့  လိုနေပါပြီ၊ မသမာသူ လူတစ်စုကြောင့် မိမိတို့ရဲ့ စီးပွားရေး၊ လူမှုရေး၊ ပညာရေး အစစအရာရာ ထိခိုက်စေခဲ့ရတာဟာ၊ ဒီလူတစ်စု လွတ်လွတ်လပ်လပ် သွားလာ ဖျက်စီး နှောင့်ယှက်ခွင့်ကို ခွင့်ပြုမိခဲ့လို့ပါဘဲ၊ နောက်နောင် ယခုလို ဖြစ်ရပ်မျိုးကနေ ရှောင်ရှားနိုင်အောင် မြန်မာပြည်ကို ချစ်သူများ လက်တွဲညီညီညာညာ၊ ၀ိုင်းဝန်း တားဆီးကြပါစို့လို့ အလင်းမျက်ဝန်း မီဒီယာမှတဆင့် နိုးဆော်လိုက်ရပါတယ်။
မန္တလာမောင် | အလင်းမျက်ဝန်း
မြူ နှင်း(အေးရိပ်ငြိမ်)
Inga kommentarer:
Skicka en kommentar